دكتور_افقدنى_اغلى_ما_املك
ملك: هههه حبيب القلب لسا سأل عليكي من شوية ودخل على المحاضرة بتاعتو من شويه
سارة: طب يلا احنا كمان محاضرتنا هتبدأ
ملك: لسا ساعتين عالمحاضرة تعالي نقعد في الكافيتريا ناكل حاجه انا جعانه ونزلت من غير فطار
سارة:نعم ساعتين ايه هي مش معادها بعد عشر دقائق
ملك:الدكتور اجلها عشان في مشاكل ودخل لعميد الكليه وبعدين انتي زعلانه ليه،باقي زمايلنا كلهم مبسوطين واعدين في الكافيتريا وكل اتنين حبيبين مع بعض
سارة: اووف
ملك:ايوة ياختي انفخي ماهو مجدى مش ال معاكي في الكافيتريا واعد يحب فيكي، عقباالي يارب عقباالي لما لاقي واحد يحبني كدا ويقولي كلام حب كل يوم وتليفونات، سارة هو انا وحشه
سارة: بطلي هبل دانتي احلى مني بس اكيد ربنا مخبيلك حاجه حلوة وانسان يكون مؤدب ويخاف عليكي
ملك: يارب ياسارة
سارة: طب يلا عالكافيتريا عشان انا تعبت من الوقفه دى
ملك: يلا، قوليلي تحبي تفطرى معايا ولا فطرتي
سارة: لا مافطرتش بس ماليش نفس
ملك: يابنتي دا لسا بدرى علي المحاضرة كوليلك لقمه عشان مادوخيش
سارة:لا بجد مش عاوزة اكل ولو جعت هاجيب فطار،افطرى انتي
ملك: طيب بلاش فطار اجبلك عصير فرش عشان تصحصحي لحسن شكلك مهبطه
سارة: طيب هاتيلي برتقال فرش
ملك: طيب مش هغيب عليكي
سارة: اعده بتفكر في ال جرالها والتعب الأل م ال بيجلها وتروح فعلآ لدكتور ولا تستنى يمكن يروح لوحده
ملك: ايه يابنتي سرحانه في ايه،في حبيب القلب
سارة: لا يابنتي بس مضيقه من تأخير المحاضرة دى
ملك: ياستي ارحمي نفسك وارحميني ابو المحاضرات عالتعليم دي الواحده مننا مالهاش ال بيتها
سارة: هههههههههههه ربنا يسعدك ياملك
ملك: ايوة كدا اضحكي
سارة: ادينا خلصنا العصير وفطارك هانعمل ايه بقا قوليلي
ملك: هانعمل ايه يعني نتكلم شويه
سارة: اتفضلي اتكلمي ياختي واتحفيني بخفة دمك
ملك: ممتك عامله ايه وابوكي
سارة: كويسين الحمدلله
واخوكي عامل اي
سارة: كويس بخير
ملك: هو مالك اخوكي بيحب، ايه السؤال التافه دا اكيد بيحب يعني شاب حلو وامور وطموح وبيشتغل محاسب في شركة محترمة اكيد عنده حبيبه
سارة: واللهي ياملك ماعرفش عنه حاجه انتي عارفه هو اكبر مني وماقدرش اسأله في حاجه زى كدا
ملك: طيب
سارة: بدأت تحس ان جسمها تقيل وو جع بسيط في جسمها
ملك:هو انتي تعبانه ياسارة ولا ايه شكلك مش عجبني
سارة: لا ابدآ مافيش حاجه ياملك بس موخمه شويه وحسا اني عايزة انام تاني
ملك: لا فوقي كدا لحسن افوقك
سارة:وهاتفوقيني ازاى بقا ياختي
ملك: هاتحزم واقوم ارقصلك
سارة:
ملك: تحبي اعملها،انا مجنونه واعملها
سارة: لا خلاص انا فوقت اهو الطيب احسن
ملك: انا عارفه ايه ال يصحصحك
سارة: بس ياباردة فهماكي
ملك: مجدى يامجدي
سارة: واللهي انتي فاضيه وهاتشتغلي عليا
ملك: الحقي ياسارة
جبنا في سيرة القط جه ينط، اهو جاي من بعيد هههه
مجدى: صباح الخير يابنات
سمعت ان المحاضرة بتاعتكم اتأجلت والكل هنا في الكوفي
سارة: صباح الخير يامجدى ايوة اتأجلت
مجدى: مالك ياسارة شكلك تعبان
سارة: ابدآ بس قمت متأخر من النوم ولسا باين عليا الوخم
مجدي: طب يلا فوقي شويه المحاضرة فاضلها ساعه وتبدأ، فطرتو ولا تفطرو
ملك: انا اكلت بس سوسو لسا
سارة: ماليش نفس والله انا شربت عصير فرش
مجدي: بس انتو هتتأخرو في الكليه النهاردا ولازم تاكلى حاجه هاجبلك ساندوتش بسرعه
سارة: لأ والله شبعانه
مجدي: طيب براحتك انا رايح اجيب حاجه وجاى
سارة: بدأت تحس بأل م
مجدي: اتفضلي ياسارة جايبلك شوية حلويات وانتي كمان خدي الكيسه دي ليكي ياملك
ملك: هات وريني كدا، الله شيكولاته من امو عشرة جنيه ميرسي يا مجدى كلك زوق
وريني كدا يا سارة الكيسة بتعتك اكبر
سارة: التعب بيذيد ومش قادرة ترد
