رواية ليس ابني !! بقلم سهر عمار

حمزة الحقني بووووووولد

حمزة: ازاي ده انتي في بداية السابع

هبة: هتقعد ترغي بقولك بولد الحقني

قومت بسرعة مفزوع وشلتها على المستشفى ودخلت معاها غرفة الولادة بس اللي شفتو في غرفة الولادة كان كفيل يخليني أطلقها........ بعد العملية وتحديدًا بعد ما فاقت هبة

هبة: هي بنت ولا ولد

حمزة بصلها وفضل ساكت

هبة: بتبصلي كده ليه وساكت الجنين حصله حاجه

حمزة:

هبة: ماتنطق يا حمزة

حمزة: هبة انتي طالق

هبة: حمزة بطل هزار ابني فيه حاجة

حمزة: مش بهزر والجنين كويس...... وخرج سابها في صدمتها

بعد مدة دخلت الممرضة

الممرضة: الحمدلله على السلامه يا مدام هبة

هبة بكسرة: انسة

الممرضة: ازاي ده اللي كان هنا قال إنه جوزك وانتي يعني... وسكتت

هبة بانهيار: طلقني وراح

الممرضة بصتلها بشفقة وكانت عايزة تسأل اسئله كتيرة بس محبتش تدخل الممرضة: تحبي تشوفي ابنك

هبة: هوا ما اخدهوش

الممرضة: لا هوا راح على طول 

هبة: عايزة ابني

=حاضر

الممرضة: خدي ده ابنك ماشاءالله تبارك الله قمر

هبة بصدمة اول ماشافته: لا ده مش ابني

الممرضة: ده ابنك

هبة بغضب وهي بتفصل الأجهزة من عليها وبتحاول تقوم: بقولك ده مش ابني انتو بدلتوه

الممرضة: ده ابنك حرام عليكم اللي بتعملوه ده انتو كده بتضيعوه

هبة: انا مش عايزاه

الممرضة: يا مدام اهدي مينفعش تقومي ده انتي لسه والدة وكمان مبكر

هبة بانهيار: ده مش ابني........ ووقعت واغمى عليها

بعد ساعتين

الدكتور: انا عايز افهم ليه جوزها طلقها وهي أول ما شافت ابنها قالت مش عايزاه

الممرضة: انا برضو مش فاهمة يا دكتور ده حتى الولد ماشاءالله قمر ومش مشوه سليم ومفيهوش حاجه الموضوع فيه ان.

الممرضة: المدام هرررررررررربت

الدكتور: اييييييييييه

الممرضة: لما دخلت عشان اديها الأدوية مالقتاش ودورت عليها ولما روحت مع أمن المستشفى الكاميرات لقيناها هربت

الدكتور: دي مصيبة

الممرضة: والطفل هنعمل فيه ايه

الدكتور بشفقة: مش عارف بس لازم نبلغ المدير

قاعد في المكتب حاطط رجل في رجل وبيتكلم في التلفون

بيدخلوا عليه الممرضة والدكتور