المجهول

ورحل الدكتور بعد أن طالبنى بعدم فتح أبواب القصر مهما حدث وكأنها اهم نصيحه فى حياته

ونزل الليل بسرعه وافتكرت قطيع الذئاب إلى بيحاوط القصر كل ليله

بس قلت القطيع دايما بيظهر الساعه ١٠ بالليل ولسه قدامى وقت طويل

اكلت انا وباكو فى المطبخ وانا سامعه انين الكونت ادم فى غرفته لكن عملت بنصيحة الدكتور

يدوبك خلصت اكل وسمعت صوت القطيع إلى كان وصل حدود القصر

جريت على سطح القصر

القطيع كان أكبر من السابق، المره دى كانو مشكلين دايره وكل دقيقه تقريبا يخرج ذئب من الديره يركض بكل قوته ويضرب فى الباب الشمالى

والذئب الضخم وكان واضح انه كبيرهم عمال بيدى أوامر كأنه انسان واعى

سحبت البندقيه الاليه وضربت عليهم رصاص، لكنهم كانو بعيد عن مرمى تصويبى تحميهم أشجار الغابه 

حتى الذئب إلى كان بيخرج ويخبط فى الباب كان صعب انى اصوب عليه

لكن صوت الرصاص خلاهم اكثر حذر

وطلعت فى دماغى فكره شيطانيه، نزلت المخزن وفتحت خزانة الاسلحه واخدت الرشاش التشيكى

وحملته وصعدت لسطح المنزل، ثبته على جدار القصر وشريط زخيره يتدلى منه

وقررت ان اظل ساكنه حتى إذا فكرو بالاقتراب امطرتهم بالرصاص

ولأول مره افتكر حاجه كويسه لوالدى لما كان بياخدنى وهو بيصيد الأرانب والحيوانات البريه وكيف عملنى كيف اصوب

وفضل القطيع فى مكانه كأنهم كانو عرفين الخطر القريب منهم

لكن لما الليل انتصف القطيع تخلى عن حذره وبدأ يهاجم القصر كجماعه

حينها حانت فرصتى وامطرتهم بالرصاص، عشره، مائه، خمسمائه رصاصه

وسقط بعض القطيع مصاب وارتفع عواء الذئاب

وسمعت بين عوائهم انين الكونت ادم فى غرفته

القطيع دب خلاله الزعر وتفرق وانا بعيد تلقيم الرشاش شفت طرف ثوبها

كانت فتاه غير واضحة الملامح خلف القطيع وكانت تتحدث معهم

الذئاب انسحبت بعد ما جرو المصابين منهم

انا متأكده كان فيه انسان معاهم

بنت عمرها نفس عمري، لكن شعرها طويل وأكثر بياض وجمال

ورحل القطيع ولم يظهر مره أخرى تلك الليله

فضلت نايمه فوق سطح القصر لحد ما الشمس طلعت وحسيت بسخونه لسعت وشى

ياه انت نمت كل ده؟

وقعدت اضحك غصب عنى، اول مره اشوف حد زى حالتى يقدر ينام وسط الرعب دا كله

ونزلت من على السطح وافتكرت الكونت ادم

كانت مرت ٢٠ ساعه، وقفت قدام غرفته افكر ادخل ولا لا؟

اخيرا فتحت الباب وشفته نايم على السرير فى سلام وايديه مكتفه بحبل

قلت فى سرى شوف الدكتور الغبى دا عمل ايه الحيوان ومشيت افك الحبل وهو نايم

شعره مسدل على وجهه الجميل وصدره العفى نافر بشعر اسود كغابه

ومسك ايدى بقوه كان هيكسرها  قبل ما يفتح عنيه؟

لما شافنى ضحك وساب ايدى

رفع نص جسمه ولاحظت ان معظم جروحه اختفت، التئمت

وقال وهو بيضحك مكنتش فاكر انك مدمره بالشكل ده؟

انا قلت فيه حرب قامت جنب القصر

دارين؟ وسمعت أسمى من بين شفاهه الرقيقه كأنه اغنيه، انا اسف انى زجيت بيكى وسط الدمار دا كله

كنت محضره كلام كتير عن رحيلى نسيته وانا تايهه فى سحر عنيه

قلتله على فكره انا شفت بنت مع قطيع الذئاب امبارح

وفتح الكونت ادم فمه بدهشه، دمارا؟

_____انفتح فم الكونت أدم وحاول أن ينهض من مكانه وانا على فمى سؤال واحد، مين دمارا دى

….. فأنا من نوعية الناس إلى لو كتمت سؤال جوايا مش بعرف افكر

وسألته، مين دمارا دى يا كونت؟ اسند ادم يده على السرير، إنها الفتاه التى كان من المفترض أن اتزوج بها

وقلت طيب ما تتجوزها يا كونت دى بنت زى العسل

ورمقنى الكونت ادم بنظره كلها لوم وعتاب وكان يجاهد نفسه حتى لا يقسو على، وأردف مينفعش انا اخترت واحده تانيه::

طول عمرى مش بحب أتدخل فى خصوصية أى شخص  لكن تمنيت انى اكون البنت دى

اين تميمتى؟ صرخ ادم وهو يمرر يده على صدره العارى!! 

تميمة ايه ياكونت؟

رد ادم كانت هناك تميمه حول عنقى لابد انى فقدتها عندما فقدت وعى؟