لست مذنبة للكاتبة ايمان شلبي
المحتويات
بقي كفايه اوهااام جاسر خدعك انتي كنتي مجرد كوبري عشان يوصل لأختك لا اكتر ولا اقل كل مشاعرك كل اوهامك كل اوجاعك محدش هيقدر يحس بيها غيرك
كانت بتقول لنفسها كل الكلام ده عشان تفوق ومتفضلش عايشه في وهم نهايته ۏجع قلب زي كل مره وهمت نفسها بحاجات ومحصلتش
غيرت هدومها لبيجامه من بيجامات اختها وفردت شعرها علي ظهرها وخرجت
ا احم
رفع وشه ببطئ واول ما شافها بصلها وهو بيسألها بهدوء
خلصتي
فركت ايديها بتوتر وهزت رأسها
ايوه
شاورلها تقعد بنفس الهدوء
اقعدي يا حلا
قعدت علي الكرسي اللي قدامه وهي حاطه وشها في الأرض بأحراج وقلبها بيدق بلهفه وحب
قعد علي طرف الكنبه وبصلها لحظه وهو متردد يسألها أو لا
هي كارما كانت بتحب حد تاني
هزت راسها بنفي لا
رد بضيق
حلا لو سمحتي متكذبيش عليا
صدقني معرفش ه هي عمرها ما حكيتلي عن حد تاني
طب عمرها اتكلمت عني معاكي
اتكلمت عنك ازاي يعني
يعني عمرها مثلا اشتكيتلك مني !
لا برضو
ابدا ابدا
يعني عمرها ما قالتلك مثلا اني ضايقتها باي تصرف يمكن اكون
عملت حاجه زعلتها يمكن اكون كنت بتعامل معاها وحش أو اكون مش الشخص اللي هي كانت بتتمناه أو...
قاطعته والدموع بتلمع في عينيها
بالعكس هي كانت ڈم ..ا تحكي عنك بالخير
كانت بتقول ايه
انك شخص حنين لطيف رومانسي قادر تحتويها رقيق في كل تصرفاتك عمرك ما زعلتها كانت ڈم ..ا تقولي انها بتحبك وان انت الشخص اللي كانت طول عمرها بتدور عليه كانت ڈم ..ا تقولي انا لو لفيت الدنيا مش هلاقي حد جميل وقلبه برئ زي جاسر
بصلها لحظه وكأنه بيحاول يصدق كلامها اللي متناقض تماما مع هروب كارما اللي ملهوش اي مبرر غير أنها عمرها ما حبته ولا أتمنت يكون ليها ومعاها العمر كله !!
هز رأسه بحيره
لان كلامك عكس أفعالها
بمعني ايه
رد بابتسامه حزينه
بمعني أن أفعال كارما كانت دائما عكس كل الكلام اللي قولتيه
ازاي
انا حبيت اختك اوي يا حلا حبيتها حب عمري ما كنت اتخيله من اول ما عيني شافتها وانا مش قادر اشوف غيرها اتمنيت تكون ليا بس هي مكانتش مديالي اي وش كل ما اقرب خطوه كانت تبعد هي الف خطوه حاولت وحاولت وحاولت عملت كل حاجه واي حاجه عشان تحس بيا وتحبني لما اتقدمتلها كان في اعتقادي أنها هترفض لما جالي الرد بالموافقه طيرت من الفرحه وقولت في نفسي اني هعمل كل جهدي عشان اخليها تحبني زي مانا دايب فيها
كل مره كنت بقولها كلمه حلوه تغير الموضوع بس تعرفي بالرغم من كل ده مكنتش بزعل مكنتش بمل أبدا من الانتظار كنت عارف ان هيجي يوم وقلبها يحبني من حبي فيها
ولما قولت خلاص اهي بدأت تحبني وتثق فيا لدرجه انها توافق علي جوازنا كل حاجه انتهت في لمح البصر يا حلا
كل حاجه انتهت وكأنه كان حلم جميل صحيت منه علي واقع مؤلم واقع مكنتش اتخيل أعيشه في يوم
قال جملته الأخيره ودمعه شارده بتنزل من عيونه ...
قامت قربت منه وقعدت علي ركبها
متابعة القراءة
